Ինչպես հայտնում է Vesti.ru-ն, հայազգի հայտնի թենիսիստ Անդրե Աղասին իր կնոջ ինտիմ նկարները ցուցադրել է մի մարդու, որը դրա դիմաց Անդրեին է վճարել 4 հազար դոլար: Սակայն այդ գումարն ընտանեկան բյուջե չի գնացել, այլ ամբողջովին ուղղվել է բարեգործության:
Անցած հանգստյան օրերին Աղասին մասնակցել է Թայվանում կայացած բարեգործական միջոցառմանը, որտեղ վաճառվել են նրա կողմից ստորագրված ռակետներն ու թենիսի այլ պարագաներ: Այն բանից հետո, երբ վաճառվող ճենապակյա ափսեն ոչ մեկի մոտ հետաքրքրություն չի առաջացրել, նա ներկաներին խոստացել է ցույց տալ իր մերկ կնոջ` բջջային հեռախոսում եղած նկարն այն մարդուն, ով այդ ափսեի համար կվճարի 4 հազար դոլար:
Այդ առաջարկը միանգամից դրական արձագանք է գտել: Բեմում անմիջապես հայտնվել է մի ասիացի, վճարել անհրաժեշտ գումարը, որի դիմաց Աղասին նրան է ցույց տվել հայտնի գերմանուհի թենիսիստուհի Շթեֆի Գրաֆի նկարը, որի հետ Աղասին ամուսնացած է ավելի քան 9 տարի:
Սակայն երկրպագուներն Աղասիի այս քայլը միանշանակ չեն ընդունել և Շթեֆի Գրաֆից պահանջել են բաժանվել ամուսնուց: