Աշխարհի ամենաթանկ՝ Apple կորպորացիայի բաժնետոմսերի ընդհանուր գումարը կազմել է 504 մլն դոլար,- հաղորդում է The Financial Times-ը: Թերթը գրում է, որ փետրվարի 28-ին ԱՄՆ-ում ընկերության մեկ բաժնետոմսի գինը հասել է 535.41 դոլարի:
Նշենք, որ վերջերս լուրեր էին շրջանառվում, թե ընկերությունը պատմության մեջ առաջին անգամ կարող է դիվիդենտներ վճարել: Այժմ հարցված վերլուծաբանների 90%-ը խորհուրդ է տալիս գնել ընկերության ակցիաները:
Թերթը գրում է, որ հիմա Apple-ի գինը 90 մլրդ-ով ավելին է, քան ExxonMobil-ինը, որն աշխարհում երկրորդն է: ՎԵրջին 10 տարվա ընթացքում Apple-ի գինն աճել է 46 անգամ:
Ընդ որում, ընկերությունը կուտակել է մեծ ծավալի պահուստներ, որը կազմում է մոտ 100 մլրդ դոլար: Անցյալ շաբաթ Apple-ի գլխավոր տնօրեն Թիմ Քուքը հայտարարեց, որ ինքը երկար է մտածել, թե որտեղ կարել է ծախսել այդ գումարը:
Շուկայի ողջ պատմության մեջ միայն 6 ընկերություն է կարողացել հաղթահարել 500 մլրդ դոլարի սահմանը: Բացի Apple-ից, դրանց թվում են Microsoft-ը (այժմ՝ 266 մլրդ), Intel-ը (այժմ՝ 136 մլրդ), Cisco-ն (109 մլրդ), ինչպես նաև հայթեքի ոլորտին չպատկանող 2 ընկերություն՝ ExxonMobil-ը և General Electric-ը:
