ՆԱՏՕ-ն երեքշաբթի օրը հաղորդել է, որ իրենք պետք է կենտրոնանան Աֆղանստանում կայունությունը պահպանելու վրա` չնայած ցույցերին և բռնություններին, որոնք սկսվել են երկրում՝ ամերիկյան ռազմական բազայում Ղուրանների այրվելուց հետո:
Ըստ Reuters-ի՝ ՆԱՏՕ-ի քարտուղար գեներալ Անդերս Ռասմուսենն ասել է, որ չնայած այս պատահարի ողբերգությանը և մարտահրավերներին, որոնք իրենք պետք է հաղթահարեն, միակ նպատակը պետք է լինի Աֆղանստանում կայուն իրադրություն ունենալը: Դա իրենց միակ շահը պետք է լինի, որի համար պետք է ջանք չխնայվի:
ՆԱՏՕ-ի և ԱՄՆ-ի ռազմավարությունը վերջին մի քանի օրերի ընթացքում տարբեր հարցերի պատճառ էր դարձել այն բանից հետո, երբ Ղուրանների այրման հետևանքով սկսված ցույցերի ընթացքում ամերիկացի երկու պաշտոնյա էր սպանվել Աֆղանստանի ներքին գործերի նախարարությունում:
