Գերմանական Համբուրգ քաղաքի դպրոցական խաղահրապարակի տակ հայտնաբերվել է Երկրորդ համաշխարհային պատերազմի ռումբ: Այն հայտնաբերվել է Սանկտ-Պաուլի քաղաքում անցկացված շինարարական աշխատանքների ժամանակ: Հարակից շինություններից իրականացվել է մարդկանց տարհանում:
Հայտնաբերվածը 500 կիլոգրամանոց ավիառումբ է, որը ընկնելով՝ մի քանի կտորի է բաժանվել: Հայտնաբերվել մի կտոր, որի վրա եղել է պայթուցիչ:
Հայտնի է, որ Համբուրգի վրա Երկրորդ աշխարհամարտի ժամանակ իրականացվել է 70 օդային հարձակում` հիմնականում բրիտանական ռազմական օդուժի կողմից: 1943թ.-ին գերմանական այս խոշորագույն քաղաքն ամբողջությամբ ավերվել էր, զոհվել էին տասնյակ հազարավոր մարդիկ, հարյուր հազարները մնացել էին անօթևան:
