Իտալական Բրեշիա գավառի Բանյոլո-Մելլո քաղաքից 34-ամյա կին բարմեն Լաուրա Մագգին դարձել է տեղի գեղեցիկ սեռի ներկայացուցիչների համընդհանուր ատելության թիրախը:
Բանն այն է, որ նա աշխատավայրում կրում է չափազանց բաց հագուստ, ինչով և գրավում է բարի այցելու տասնյակ տղամարդկանց ուշադրությունը: Այս մասին հաղորդում է Ridus գործակալությունը:
Հանգստյան օրերին, հատկապես երեկոյան ժամերին Le Cafe անվանմամբ հաստատությունը լցվում է մեծ քանակությամբ տարբեր տարիքի տղամարդկանցով, գրում է Brescia Today-ը:
Զայրացած իրենց կյանքի ուղեկիցների մշտական բացակայությունից՝ իտալուհիները քաղաքային իշխանություններից պահանջում են վտարել այլասերված բարմենին, սակայն քաղաքի ղեկավարը` Կրիստինա Ալմիցան, կարծում է, որ Լաուրան ոչնչով մեղավոր չէ և իր բարեմասնությունները ի ցույց դնելու իրավունք ունի:
Այդուհանդերձ, կանանց ճնշման տակ որոշ սահմանափակումներ կարող են մտցվել, սակայն ոչ թե բարմենի հետ կապված, այլ հաստատության ժամերի կանոնակարգման:
Լաուրային պաշտպանող կանայք ևս կան: Նրանք Facebook-ում անգամ կնոջը պաշտպանող խումբ են ստեղծել, որին անդամակցել է ավելի քան 9 հազար օգտատեր:
