Նախկին դատավոր Պարգև Օհանյանը սիրով կընդունի ՀԱԿ ցուցակով գալիք ընտրություններում հանդես գալու հրավերը: Այս մասին «Առաջին լրատվական»-ի հետ զրույցում տեղեկացրեց իրավաբան, նախկին դատավոր Պարգև Օհանյանը`խոսելով գալիք ընտրություններում իր մասնակցության շուրջ:
Նա նշեց, որ տեղեկություններ չունի, թե ՀԱԿ-ի ցուցակով հանդես կգա, թե ոչ, քանի որ նման քննարկումների չի մասնակցում: «Սակայն եթե լինի նման որոշում, ես սիրով կընդունեմ, եթե կարող եմ օգտակար լինել երկրին, ինչո՞ւ ոչ»,- մեկնաբանեց Պարգև Օհանյանը:
Նա նշեց, եթե ոչ դատավորի աթոռին, իրեն տեսնում է ԱԺ-ում: «Կզբաղվեմ օրենսդրական գործունեությամբ, չէ՞ որ ես իրավաբան եմ: Դա իմ մասնագիտությունն է»,- եզրափակեց իրավաբան, նախկին դատավոր Պարգև Օհանյանը:
