Նյու Յորքի հայտնի «Մետրոպոլիտեն» թանգարանում բացվել է մի ցուցադրություն` նվիրված միանգամից երկու մեծագույն գեղանկարիչների` 17-րդ դարի հոլանդացի վարպետ Ռեմբրանդտ վան Ռեյնին և ֆրանսիացի իմպրեսիոնիստ նկարիչ Էդգար Դեգային:
Ցուցադրությանը ներկայացված են նկարիչների ավելի քան 20 ինքնադիմանկարներ, որոնք արվել են նրանց կարիերայի սկզբնական շրջանում:
Ցուցադրության կուրատորի խոսքով` ցուցադրությունը նպատակ ուներ ցուց տալ Ռեմբրանդտի ստեղծագործության ազդեցությունը հաջորդ սերունդների, մասնավորապես՝ Դեգայի վրա, որը 1850-ականներին ուսումնասիրել ու կրկնօրինակել է նրա աշխատանքները:
Դեգայի ինքնադիմանկարների մասին հայտնի դարձավ միայն նրա մահից հետո, այն դեպքում, երբ Ռեմբրանդտը հռչակ ձեռք բերեց հենց այդ ինքնադիմանկարների ժանրի շնորհիվ:
Ցուցահանդեսը բաց կլինի մինչև մայիսի 20-ը:
