Պերուի իշխանությունները փորձ են կատարել ձեռք բերել Ատլանտյան օվկիանոսի հատակից բարձրացված, 500 հազար դոլար արժողությամբ գանձի իրավունքները, որը, ամերիկյան դատարանի որոշմամբ, պետք է հանձնվի Իսպանիային:
Պերուն հինգշաբթի դիմել է ԱՄՆ Գերագույն դատարան` հայց ներկայացնելով կասեցնել 2007 թ. ամերիկյան Odyssey Marine Exploration (OME) ընկերության կողմից իսպանական խորտակված նավում հայտնաբերված գանձը Իսպանիային տրամադրելու գործընթացը:
Նախապես պլանավորված էր, որ գանձը պետք է տեղափոխվի իսպանական С-130 ВВС ինքնաթիռներով, այնտեղ է ժամանել Վաշինգտոնում Իսպանիայի արտակարգ և լիազոր դեսպանը, սակայն Պերուն շարունակում է պնդել, թե արծաթն ու ոսկին, որոնցից պատրաստված են դրամներն ու մյուս արժեքավոր իրերը, որոնք գտնվել են 1804 թ. դարում Պորտուգալիայի ափերի մոտ բրիտանացիների խորտակած Nuestra Senora de las Mercedes գալեոնում, դուրս են բերվել հենց Պերուից, որն այն ժամանակ եղել է Իսպանիայի գաղութը: Նավում այդ ժամանակ գտնվել է ավելի քան 200 մարդ, որոնք Հարավային Ամերիկայից վերադառնում էին Իսպանիա: Իսպանիան պնդում էր, որ երբեք չի հրաժարվել իր հարստությունից: Մի քանի տարվա դատական քաշքշուկներից հետո ԱՄՆ-ն որոշեց վճիռ կայացնել Իսպանիայի օգտին:
Ինչպես հայտնում է ITAR-TASS-ը, առայժմ հայտնի չէ` Պերուի հարցումը ԱՄՆ Գերագույն դատարանին կվերանայվի՞ մինչ գանձի տեղափոխումը, թե՞ ոչ:
