РИА Новости-ի փոխանցմամբ՝ ԱԷՄԳ-ն իր փորձագետների իրանական վերջին այցի արդյունքների մասին զեկույցը կհրապարակի այսօր: ԱԷՄԳ-ի փորձագետների խումբն Իրան էր ժամանել երկուշաբթի՝ այդ երկրի միջուկային ծրագրի շուրջ բանակցություններ վարելու համար: Սակայն նրան չէին թույլատրել այցելել Փարչին քաղաքի ռազմական համալիր:
Վերջին մեկ ամսում դա ԱԷՄԳ-ի ներկայացուցիչների երկրորդ իրանական այցն է: Նախորդ այցը տեղի է ունեցել հունվարի 29-31-ին:
Հիշեցնենք, որ երեկ նշվում էր, թե ներկայումս ԱԷՄԳ-ը մտադիր չէ Իրանի հետ վարել նոր բանակցություններ, քանի որ հիասթափված է իր ներկայացուցիչների իրանական վերջին այցի արդյունքներից:
