Ախթալայի լեռնահարստացուցիչ կոմբինատի նախկին աշխատակիցները բողոքի ակցիա են կազմակերպել Ախթալայի քաղաքապետարանի առջև:
Մանկապիղծ Սերոբ Տեր-Պողոսյանի գործարանում, որի այժմյան սեփականատերը մակնապիղծի կինն է` Մադլեն Թաշջյանը, կոմբինատի աշխատակիցների պատմելով խախտվում են աշխատավորների բոլոր իրավունքները: Բողոքավորների պնդմամբ` կոմբինատը աշխատանքի է ընդունում մարդկանց և ոմանց կես տարի, ոմանց էլ 1 տարի աշխատեցնելուց հետո, առանց որևէ պատճառաբանության դուրս հանում աշխատանքից:
Լեռնահարստացուցիչ կոմբինատի նախկին աշխատակիցները լրատվամիջոցներին հայտնել են, որ այս պահին կոմբինատի ներսում աշխատող շուրջ 100 աշխատակցիներ էլ իրենց բողոքի դիմումներն են հանձնել քաղաքապետարանի առջև բողոքի ակցիայի կազմակերպիչներին, քանի որ կոմբինատում աշխատում են անմարդկային պայմաններում, ստանում են ընդամենը 35-40 հազար դրամ աշխատավարձ, մինչդեռ իրականում աշխատավարձերն ավելի բարձր են ձևակերպված, սակայն վախենում են իրենք էլ բողոքել` աշխատանքից չազատվելու համար:
Քաղաքապետարանի մոտ հավաքված բողոքավորներին ի պատասխան` կոմբինատի ներկա տնօրենն ու հաշվապահը լրատվամիջոցների ներկայացուցիչներին վստահեցրել են, որ բողոքների բովանդակությունն իրականությանը չի համապատասխանում: