Գիտնականները հայտնում են, որ կարողացել են բացահայտել անքնության գենը:
Ճանճերի վրա արված փորձերը ցույց են տվել, որ այն ճանճերը, որոնց սպիտակուցները ենթարկված են եղել մուտացիայի, առավել քիչ են քնել, քան նրանք, որոնց սպիտակուցները նորմալ են եղել: Փորձերը նաև ցույց են տվել, որ այդ ճանճերը կյանքի ավելի կարճ տևողություն են ունեցել:
Ինչպես գրում է Daily Mail-ը, նախկին հետազոտությունները ցույց են տվել, որ հատկապես տղամարդիկ մահանալու առավել մեծ հավանականություն ունեն, եթե տառապում են խրոնիկական անքնությամբ, որը նաև կապված է արյան բարձր ճնշման հետ:
Հետազոտությունն իրականացրել են Նյու Յորքի Ռոքֆելեր համալսարանի գիտնականները, ովքեր կարծում են, որ այս ուսումնասիրությունը թույլ է տալիս պարզել, թե ինչպես է քունը ղեկավարվում մոլեկուլային մակարդակում: