Փետրվարի 23-ին Վրաստանի խորհրդարանում կքննարկվի կիբեռանվտանգության վերաբերյալ օրենսդրական նախաձեռնությունը: Ինչպես հայտնել է մեծամասնության ներկայացուցիչ Չիորա Տակտակիշվիլին, վաղը ժամը 15.00-ին խորհրդարանում հանդիպում կկայանա օրենսդրական նախագծի հեղինակների, հասարակական կազմակերպությունների և այն կազմակերպությունների ներկայացուցիչների միջև, որոնց վրա նոր կարգավորումներն անմիջականորեն կազդեն:
Տակտակիշվիլին գտնում է, որ «Տեղեկատվական անվտանգության մասին» նոր օրենքը հետաքրքիր և կարևոր է: Նրա խոսքերով՝ 2008 թվականի օգոստոսյան պատերազմի ժամանակ Վրաստանի դեմ կիրառված կիբեռհարձակումը ցույց տվեց, որ անհրաժեշտ է համապատասխան կարգավորումներ կատարել։
Ըստ օրինագծի՝ նոր կարգավորումները կազդեն, թե՛ պետական, թե՛ մասնավոր ոլորտների վրա։ Այս մասին գրում է apsny.ge-ն:
