Բրազիլական Սան Պաուլու քաղաքում կառնավալն ավարտվել է ավերածություններով ու անկարգություններով: Կառնավալի արդյունքների ամփոփման արարողությունը կասեցվել է:
Ինչպես հաղորդում են տեղական ԶԼՄ-ները, անկարգություններն սկսվել են գնահատականների բարձրաձայնման պահին:
Անձը չպարզված տղամարդը ճեղքել է ոստիկանների դիմադրությունը ու պատռել այն ծրարը, որտեղ նշված է եղել մրցույթի արդյունքները:
Այնուհետև մարդկանց մի խումբ այրել է կառնավալային դեկորացիաներից մեկը, որը պատրաստված է եղել պլաստիկից, կտորից ու այլ դյուրավառ նյութերից, ինչի հետևանքով մեծ հրդեհ է առաջացել: Դեպքի վայր են ժամանել հրշեջներն ու ոստիկանության աշխատակիցները: Առայժմ տեղեկություններ չկան տուժածների մասին: Վնասի մասին առայժմ հայտնի չէ:
Սամբայի դպրոցի տեղական լիգայի ղեկավարությունը հավաքվել է՝ քննարկելու հարցերը, թե, ի վերջո, ինչ արդյունքներ է գրանցելու մրցույթը:
