«Այ Վեյվեյը երբեք չի զղջում» ֆիլմը, որը պատմում է չինացի նկարչի մասին, Ամերիկայի «Սանդենս» ազգային կինոփառատոնում (Sundance Film Festival), ճանաչվել է հաղթող: Այս մասին երեկ հաղորդել է Variety պարբերականը:
Ժապավենը նվիրված է Այ Վեյվեյին` Art Review-ի վարկածով չինացի հայտնի նկարչին, արվեստի ոլորտի ամենաազդեցիկ գործչին:
Բեռլինի միջազգային կինոփառատոնում ֆիլմը մասնակցել է հատուկ ցուցադրությանը, իսկ Յուտայում (ազգային պարկ ԱՄՆ-ում) «Սանդենսի» պրեմիերային այն ստացել է ժյուրիի հատուկ մրցանակը:
Ֆիլմի ռեժիսորը լրագրող Էլիսոն Քյեյմենն է, որը մատչում էր ստացել Այ Վեյվեյին, երբ գտնվում էր Չինաստանում: Էլիսոնը աշխատել է ֆիլմի վրա շուրջ 2 տարի ու ջանում էր շփվել նկարչի ու նրա մերձավոր շրջապատի հետ:
Անտեսելով խիստ գրաքննությունը` Այ Վեյվեյը խիստ է արտահայտվում Չինաստանի իշխանությունների հասցեին: Ի պատասխան` իշխանությունները փակել են նրա բլոգը, հողին են հավասարեցրել նրա ստուդիան ու նրան պահում են տնային կալանքի տակ:
