Հանրահայտ ամերիկացի երգչուհի Ռիհանան փետրվարի 20-ին աղմկալի երեկույթով նշել է իր 24-ամյակը Լոնդոնի Corinthia հյուրանոցում,- տեղեկացնում է NEWSru Israel՝ վկայակոչելով բրիտանական The Daily Mirror-ին, ըստ որի՝ Ռիհանան հրավիրել էր բոլոր ընկերուհիներին, որոնց հետ երեկույթի ինչ-որ պահի մերկացել են և մտել հսկա լոգարանի մեջ, որտեղ սկսել են պարել մինչև ուժասպառ լինելը:
Աղջիկները խմել էին ավելի քան 4 շիշ տեկիլա: Հայտնի է նաև, որ երգչուհու համարը ամբողջությամբ զարդարված է եղել ալ վարդերով, իսկ սեղանը՝ հսկա տորթով:
Առավոտյան երգչուհին BRIT Awards-ի փորձին ստիպված է եղել գնալ սարսափելի տեսքով:
Նշենք, որ Ռիհանայի անունը շատ հաճախ կապված է լինում սեքսուալ բնույթի տարբեր սկանդալների հետ:
Բոլորովին վերջերս երգչուհու երկրպագուները քննարկում էին, թե ինչպես է նա տեսահոլովակի նկարահանման ժամանակ մերկացել:
Սակայն այս բնույթի սկանդալները դրական են ազդում երգչուհու կարիերայի վրա: Այս տարի նա դարձյալ դարձել է Grammy մրցանակակիր: Իսկ անցած տարի աշնանը Esquire ամսագիրը նրան ճանաչել է որպես այս մոլորակի ամենասեքսուալ կին: