Լեգենդար «Տիտանիկի» ճանապարհով գնացող Azamara Journey նավով նավարկության տոմսերը, որը 2012 թ. ապրիլի 10-ից սկսելու է շրջագայությունը Նյու Յորքից, էժանացել են: Այս մասին նշված է Miles Morgan Travel բրիտանական ընկերության կայքում:
Հիմա յուրահատուկ նավարկության մասնակիցները կարող են վճարել նվազագույնը 2000 դոլար, առավելագույնը` 10.4 հազար (ավելի վաղ 4.9 հազար ու 14.9 հազար դոլար՝ համապատասխանաբար):
Նավը Նյու Յորքից դուրս կգա ու կշարժվի այն ուղիով, որը 100 տարի առաջ անցել էր հայտնի «Տիտանիկը»:
Ճանապարհին Azamara Journey-ը կմտնի Գալիֆաքս, հետո կշարժվի «Տիտանիկի» կործանման վայրը, որտեղ զոհվածների հիշատակին նվիրված պատարագ կմատուցվի:
Azamara Journey-ով սա միակ հիշատակի նավարկությունը չէ, որ նվիրված է «Տիտանիկի» նավարկության 100-ամյակին:
Ավելի վաղ հաղորդվել էր Balmoral նավի մասին, որը պատրաստվում է նմանատիպ նավարկություն կատարել անգլիական Սաութհեմփթոն նավահանգստից՝ 2012 թ. ապրիլի 8-ին, ու մեկ շաբաթ անց հասնել այն վայրին, որտեղ 1912 թ. նավաբեկության ենթարկվեց «Տիտանիկը»: Կազմակերպիչը դարձյալ Miles Morgan-ն է:
Balmoral-ի բոլոր տոմսերը վաճառված են:
«Տիտանիկն» իր առաջին ու վերջին ուղևորությունը Եվրոպայից Ամերիկա է կատարել 1912 թ. ապրիլի 10-ին`նավի վրա վերցնելով ավելի քան 2.2 հազար մարդ: Ապրիլի 14-ին բախվելով հսկա սառցաբեկորին` նավը խորտակվեց:
Տարբեր տվյալների համաձայն` ջրահեղձ եղավ 1400-1517 մարդ:
