Սիրիայի Հոմս քաղաքում կառավարական ուժերի ռմբակոծությունների հետևանքով զոհվել է 16, վիրավորվել շուրջ 340 մարդ: Այս մասին հաղորդում է Reuters գործակալությունը՝ վկայակոչելով ընդդիմության ակտիվիստներին:
Հերթական ռմբակոծությունն սկսվել է այն բանից հետո, երբ Կարմիր խաչի միջազգային կոմիտեն փորձել է համաձայնության գալ Սիրիայի իշխանությունների հետ՝ ռազմական գործողությունները դադարեցնելու և քաղաքացիներին օգնություն ցուցաբերելու համար:
Հոմսի ռմբակոծությունները սկսվել են փետրվարի սկզբից: Ավելի վաղ հաղորդվում էր, որ երեկ Դամասկոսում տեղի ունեցած ցույցի ժամանակ ոստիկանները կրակ են բացել Դամասկոսի ցույցի մասնակիցների վրա:
Հիշեցնենք. Սիրիայում ընդդիմության և կառավարական ուժերի միջև 11 ամիս տևած բախումների հետևանքով, ՄԱԿ-ի վերջին զեկույցի համաձայն, զոհվել է շուրջ 5400 խաղաղ բնակիչ:
