«Լրագրողների պաշտպանության կոմիտե»(CPJ) միջազգային կազմակերպության տվյալներով` անցած տարի զոհվել է 46 լրագրող: Ինչպես տեղեկացնում է «Ազատություն» ռադիոկայանը, նրանցից շատերը զոհվել են վտանգավոր իրադարձություններ լուսաբանելիս կամ նպատակաուղղված սպանվել են:
CPJ -ի հրապարակած «Հարձակումներ մամուլի դեմ-2011» զեկույցը փաստում է, որ լրագրողների համար ամենավտանգավոր երկիրն անցած տարի եղել է Պակիստանը, որտեղ 7 լրագրող է սպանվել:
Ամենավտանգավոր եռյակում են նաև Լիբիան և Իրաքը. այդ երկրներից յուրաքանչյուրում անցած տարվա ընթացքում 5 լրագրող է սպանվել:
CPJ -ի գնահատմամբ` առնվազն 15 լրագրող զոհվել է «Արաբական գարունը» լուսաբանելիս:
Կազմակերպությունը նաև նշում է, որ անցած տարվա ընթացքում 179 լրագրող կալանավորվել է: Այս ցուցանիշը 1990-ականներից ի վեր ամենաբարձրն է: