Կարիբյան Նևիս կղզու ոստիկանությունը ձերբակալել է այդտեղ արձակուրդի մեջ գտնվող ԱՄՆ Գերագույն դատարանի դատավոր Սթիվեն Բրեյերի (Stephen Breyer) զինված կողոպուտի համար կասկածվող Վեդել Բրաունին,- տեղեկացնում է CNN:
Կասկածյալը` 28-ամյա Վեդել Բրաունը (Vedel Browne), ոստիկանություն է ներկայացել փետրվարի 19-ին՝ այն բանից հետո, երբ հայտարարվել է նրա հետախուզման մեջ գտնվելու մասին: Փետրվարի 20-ին նրան կողոպուտի մեղադրանք են առաջադրել: Եթե Բրաունը մեղավոր ճանաչվի, ապա նրան սպառնում է 20 տարվա ազատազրկում:
Հարձակումը ամերիկացի դատավորի վրա տեղի է ունեցել փետրվարի 9-ին այն տանը, որտեղ նա անցկացնում էր իր արձակուրդը: Այդ պահին նրա հետ են եղել կինը, քույրն ու ևս մեկ մարդ: Զինված հանցագործը նրանցից խլել է մոտ հազար դոլար (ըստ այլ աղբյուրների` 1.200): Բարեբախտաբար, տուժածներ չկան:
Ըստ ոստիկանության տվյալնեի՝ Բրաունն այդ տանը այգեպան է աշխատել: Իսկ թե կոնկրետ ինչ ապացույցներ կան նրա դեմ, հայտնի չէ:
Դատավոր Բրեյերը արդեն իր ընտանիքի հետ վերադարձել է ԱՄՆ։ Տեղի ունեցած հարձակումը նա որևէ կերպ չի մեկնաբանել: