Ռուս գիտնականները կարողացել են Սառցե դարից ի վեր սիբիրյան սառույցների մեջ թաքնված սերմերից վերականգնել մի ամբողջ բույս: Դրանք սառույցի մեջ պահպանված են եղել ավելի քան 30000 տարի:
Associated Press-ը գրում է, որ սա վերակենդանացման առաջին փորձն էր, որը հույս է ներշնչում, որ այլ տեսակներ ևս հնարավոր կլինի վերականգնել:
Ըստ գիտնականների՝ Silene stenophylla-ն ամենահին բույսն է, որը երբևէ վերականգնվել է։ Այն նուրբ մի բույս է, որն ունի սպիտակ ծաղիկներ:
Այս փորձն ապացուցում է, որ սառույցները հանդիսանում են բնական դեպոզիտարիա՝ կյանքի հնագույն ձևերի համար:
Ուսումնասիրության արդյունքները հրապարակվել են Proceedings of the National Academy of Sciences ամսագրում: