Ճապոնիայում հեծանիվների վաճառքը 2011 թվականի համեմատ աճել է 11,6 %–ով: Այս մասին երկուշաբթի օրը հայտնել է հեծանվային սպորտի մասսայականացման ասոցիացիան: Վաճառքն իր գագաթնակետին է հասել անցած տարվա մարտին տեղի ունեցած բնական տարերքից հետո առաջին երեք ամսվա ընթացքում:
Հեծանիվի հայտնիությունը կապված է այն բանի հետ, որ, բացի առողջությանն օգտակար լինելուց, չի պահանջում նաև վառելիք, ինչպես նաև ավելի ապահով է պատահարներից: Հեծանիվներ ունեցողները շահեկան դիրքում հայտնվեցին, երբ անցած տարվա մարտի 11-ին Տոկիոյում մոտ 5 միլիոն մարդ ստիպված էր գիշերել մայրաքաղաքում, քանի որ տրանսպորտային միջոցների անկանոն աշխատանքի պատճառով տուն վերադառնալու հնարավորություն չկար:
Անցած տարվա ընթացքում ճապոնական խանութները ստացել են 10.5 միլիոն հեծանիվ, ընդ որում՝ մարտին, ապրիլին և մայիսին յուրաքանչյուր ամսվա ընթացքում վաճառվել է դրանցից 1-1,2 միլիոնը:
Հեծանվային բումը այն չափերի հասավ, որ ոստիկանությունը ստիպված էր բոլոր հեծանիվ քշողներին պարտավորեցնել չերթևեկել փողոցի՝ հետիոտների համար նախատեսված հատվածով:
