Բենզինի յուրացման գործով մեղադրվող Ճանապարհային ոստիկանության պետի այսօրվա դատավարությանը, որը թերևս եղածներից ամենասպասվածն ու հետաքրքիրն էր, այսպիսի հայտարարություն արեց Ճանապարհային ոստիկանության նախկին պետ Մարգար Օհանյանը:
Այսօրվա նիստին վերջապես ցուցմունք տվեց ամբաստանյալ Մարգար Օհանյանը, իսկ ցուցմունքի ընթացքում հնչեցին անուններ, որոնց դեռ դատավարության մեկնարկից սպասում էինք, և գործը գնաց մի ուղղությամբ, որի ելքն առայժմ գուշակել հնարավոր չէ: Համենայնդեպս, ինչպես պարզ դարձավ ամբաստանյալի խոսքերից, այս շիլաշփոթի հիմքում իրականում ոչ մի բենզինի յուրացում էլ չկա, սրա հետևում կանգնած է ոստիկանության ղեկավարությունը` ի դեմս ոստիկանության նախկին պետ Ալիկ Սարգսյանի:
Դատավարության մանրամասների վերաբերյալ կտեղեկացնենք մի փոքր ուշ, այս պահին նշենք, որ չնայած այն հանգամանքին, որ կալանքից տակ չլինելու դեպքում Մարգար Օհանյանը դժվար թե կարողանար խոչընդտել արդարադատության իրականացմանը և ազդեր վկաների կամ ամբաստանայլների վրա, քանի որ նրանք արդեն իրենց ցուցմունքները տվել վերջացրել են, դատավոր Մխիթար Պապոյանը այսօր չբավարարեց Մարգար Օհանյանի պաշտպան Մկրտիչ Վասակյանի միջնորդությունը կալանքի վերաբերյալ որոշումը վերացնելու կամ գրավով փոխարինելու մասին:
Մարգար Օհանյանը կշարունակի մնալ կալանքի տակ, ամբաստանյաների ու վկաների հարցաքննությունն ավարտված է, իսկ հաջորդ նիստից սկսվում է ապացույցների հետազոտման փուլը:
