News Georgia-ի փոխանցմամբ՝ Վրաստանի նախագահ Միխեիլ Սաակաշվիլին այսօր այցելել է Աֆղանստան և հանդիպել Միջազգային անվտանգության աջակցության ուժերի (ISAF) կազմում ծառայող վրացի զինվորականներին: Այս մասին նշված է Սաակաշվիլիի Facebook-յան էջում:
Սաակաշվիլին Վրաստանի պաշտպանության նախարար Բաչո Ախալայայի հետ ուղղաթիռով այցելել է Հիլմենդի նահանգ և մի շարք պարգևներ հանձնել վրացի զինծառայողներին: Նշվում է, որ Սաակաշվիլին Աֆղանստանում գտնվելու է մի քանի ժամ:
Հիշեցնենք, որ Վրաստանը ISAF-ի կազմում ներգրավվել է 2009 թվականի օգոստոսի 6-ին և ցայժմ տվել 12 զոհ: Վրաստանը մտադիր է Աֆղանստանում ունեցած զինվորական կոնտինգենտն այս տարի հասցնել մինչև 1600-ի, որով ՆԱՏՕ-ի անդամ չհանդիսացող երկրների թվում Աֆղանստանում կունենա ամենամեծ զինվորական կոնտինգենտը:
