Ինչպես հայտնում է BBC News-ը` հղում կատարելով Nielsen Sound Scan-ին, Էմինեմի «Recovery» («Վերականգնում») ալբոմը դարձել է 2010 թ. ամենաշատ վաճառված սկավառակը:
Այն վաճառքի է հանվել հունիսի կեսերին: 6,5 ամսվա ընթացքում ամերիկացիները գնել են ընդհանուր առմամբ 3,42 մլն հատ «Recovery» ալբոմի սկավառակ:
Nielsen SoundScan-ի հայտնած տվյալնների համաձայն, Էմինեմն արդեն արժանացել է նման արդյունքի: 2002 թ. նրա «The Eminem Show» («Էմինեմի շոու») սկավառակը ԱՄՆ-ում վաճառվել է ավելի քան 7,61 մլն օրինակով, նաև ճանաչվել է տարվա ամենաշատ վաճառվող ալբոմ: 2010 թ. ԱՄՆ-ում ամենաշատ վաճառվող ալբոմների շարքում երկրորդ տեղ է գրավել Lady Antebellum խմբի «Need You Now» («Հիմա կարիքդ ունեմ») ալբոմը (3,09 մլն օրինակ, այն պարագայում, երբ այն կարելի էր գնել արդեն հունվարից): Երրորդ տեղում է քանթրի ոճի կատարող Թեյլոր Սվիֆտը` «Speak Now» («Խոսի՛ր հիմա») սկավառակով (2,96 մլն օրինակ, որի թողարկումը եղել է հոկտեմբերին):
Թվայնացված ֆորմատով ամենապահանջված երգը ԱՄՆ-ում դարձել է Քեթի Փերիի «California Girls» («Կալիֆոռնիացի աղջիկը») երգը: 2010 թ. ընթացքում այն ներբեռնել են 4,4 մլն անգամ: