Ադրբեջանական Trend լրատվական գործակալության փոխանցմամբ՝ ԱՄՆ նախագահ Բարաք Օբաման Սենատի հաստատմանն է ներկայացրել Վրաստանում ԱՄՆ նոր դեսպանի թեկնածությունը: Այս մասին այսօր տեղի ունեցած ճեպազրույցում հայտարարել է Վրաստանի փոխարտգործնախարար Նինո Կալանդաձեն:
Ենթադրվում է, որ Վրաստանում ԱՄՆ ներկայիս դեսպան Ջոն Բասսին փոխարինելու է Ռիչարդ Նորլանդը: Վրաստանում ԱՄՆ դեսպանատունը հայտարարել է, որ Ջոն Բասսի լիազորությունների ժամետը սպառվում է այս տարվա աշնանը: Մինչդեռ ըստ Կալանդաձեի՝ ԱՄՆ գործող դեսպանի լիազորությունների ժամկետը սպառվում է ամռան վերջին և մինչ այդ տեղի չի ունենա որևէ փոփոխություն:
Հիշեցնենք, որ Ջոն Բասսը Վրաստանում ԱՄՆ դեսպան է նշանակվել 2009 թվականի հոկտեմբերին: