Ադրբեջանական 1news.az-ի փոխանցմամբ՝ Ռուսաստանի փոխարտգործնախարար Գրիգորի Կարասինը Մոսկվայում հանդիպել է Եվրոպայի և Եվրասիայի հարցերով ԱՄՆ փոխպետքարտուղար Ֆիլիպ Գորդոնի հետ: Հանդիպմանը ներկա է գտնվել նաև Ռուսաստանում ԱՄՆ դեսպան Մայքլ Մաքֆոլը:
Հանդիպման ժամանակ կողմերը քննարկել են միջազգային օրակարգում գտնվող մի շարք այժմեական հարցեր, այդ թվում՝ նաև Հարավային Կովկասում տիրող իրավիճակը:
Նշվում է, որ այս տարվա հունվար և փետրվար ամիսներին Կարասինը Հարավային Կովկասում տիրող իրավիճակը, այդ թվում՝ նաև Ղարաբաղյան հակամարտության կարգավորման հարցը բազմիցս քննարկել է ամերիկացի ու եվրոպացի դիվանագետների հետ:
Հիշեցնենք, որ հունվարի կեսերին Ռուսաստանի ԱԳՆ-ը հայտարարեց, որ Ռուսաստանը պլանավորել է շարունակել Ղարաբաղյան հակամարտության կարգավորման հարցում իր միջնորդությունը:
