Ինչպես հաղորդում է «Ազատություն» ռադիոկայանը, Բաքվում ձերբակալվել է իրանական Sahar հեռուստաալիքի լրագրող, Ադրբեջանի քաղաքացի Անար Բայրամլին, որի մոտ հերոին է հայտնաբերվել:
Ադրբեջանի ոստիկանությունը հայտնել է, որ ձերբակալության ժամանակ լրագրողը դիմադրել է, իսկ նրա մոտից առգրավվել է մոտ 4 գրամ հերոին: Ձերբակալությունը տեղի է ունեցել փետրվարի 17-ին:
Հնարավոր է, որ իրանական հեռուստաալիքի լրագրողի ձերբակալությունը կատարվել է ի պատասխան Իրանի մեղադրանքների. վերջերս այդ երկիրը Ադրբեջանին մեղադրել էր իսրայելական գաղտնի ծառայությունների միջոցով Իրանի առաջատար միջուկային ոլորտի մասնագետների սպանությունները կազմակերպելու մեջ:
