Մարսում կյանքի որոնման համար մշակված դետեկտորի օգնությամբ կարողացել են հայտնաբերել միկրոօրգանիզմներ, որոնք գտնվում են Չիլիի Ատակամա անապատի աղակալված հողում` մինչև 3 մետր խորությամբ: Այսպիսի հետազոտություններ Astrobiology հանդեսում հրապարակել են իսպանական աստղա-կենսաբանական կենտրոնի (INTA-CSIC) և Չիլիի Հյուսիսային կաթոլիկ համալսարանի գիտնականները:
Իրենց հետազոտություններում գիտնականներն օգտագործել են SOLID (Signs of Life Detector-Դետեկտոր` կյանքի նշանների դեպքում) սարքը, որը նախատեսված է հողի վրա կյանքի հետքերի որոնման համար և մշակվել է Մարսի վրա հետազոտություններ իրականացնելու համար:
Ատակամա անապատի հողում փորձարկված այս տեխնոլոգիան կարող է կիրառվել Մարսի վրա կյանքի նշույլներ փնտրելու համար:
Ատակամայի բակտերիաները գոյատևում են առանց լույսի և թթվածնի՝ ի տարբերություն նմանատիպ շատ միկրոօրգանիզմների, որոնք գտնվում են աղի բարձր պարունակությամբ հողերում: Մենք այն անվանել ենք միկրոօրգանիզմների «օազիս», քանի որ նրանց գոյատևման միջավայրն իրենից ներկայացնում է գրեթե նույն անջուր անապատը»,- պատմում է հետազոտության համակարգող Վիտոր Պարրոն:
Հետաքրքիր բացահայտումը ոգեշնչել է գիտնականներին, քանի որ եթե միկրոօրգանիզմները կարող են ապրել ծայրահեղ պայմաններում` աշխարհի ամենաչոր և շոգ անապատում, ապա կյանքը կարող է գոյություն ունենալ նաև Մարսի վրա:
