«Մեր Իտալիան» (Italia Nostra) կազմակերպության ակտիվիստները բողոքում են Benetton կոնցեռնի դեմ, որը ցանկանում է Ֆոնդակո դե Տեդիչիի պալացցոն, որից հիանալի տեսարան է բացվում դեպի Մեծ ջրանցքի վրա կառուցված Ռիալտոյի կամուրջը, վերածել առևտրի կենտրոնի: Այս մասին գրում է իտալական La Repubblica թերթը:
Իտալական Benetton ընկերությունը պալացցոն ձեռք է բերել 2008 թ.: 2010 թ. հայտնի դարձավ Benetton-ի` պալատում հսկայակա առևտրի կենտրոն բացելու ծրագրերի մասին: Դրա փոխարեն Benetton-ը մինչև 2012 թ. դեկտեմբերի 30-ն առաջարկում է քաղաքային իշխանություններին տրամադրել 6 մլն եվրո` «հասարակական ծախսերի համար», սակայն մեկ պայմանով, որ պալացցոյի վերակառուցման թույլտվությունը պետք է տրվի 12 ամսվա ընթացքում, և բոլոր աշխատանքները պետք է ավարտվեն 48 ամսում:
Ֆոնդակո դե Տեդիչիի պալատի ձևափոխման գաղափարը պատկանում է հոլանդացի ճարտարապետ Ռոմ Կոլխասին»։
Ենթադրվում է, որ ոչ միայն շենքի ներսում կառուցվելիք շարժասանդուղքները, այլև ծառուղիների ձևափոխումը, ըստ Italia Nostra-ի ակտիվիստների, լրջորեն կխաթարեն պալացցոյի արտաքին տեսքը: Պալատը, բացի գլխավոր մուտքից, կունենա նաև երկու այլ մուտքեր:
Italia Nostra-ն արդեն բողոքի դիմում է գրել երկրի մշակույթի նախարարությանը, դատախազություն և այլ կառույցներ:
Հոլանդացի ճարտարապետի գործակալությունն իր հերթին հայտարարում է, որ իր գոյության 5 դարերի ընթացքում պալատն անընդհատ վերակառուցվել է:
Italia Nostra-ն հասարական կազմակերպություն է, որը 1955 թվից զբաղվում է Իտալիայի պատմական, գեղարվեստական, բնական հարստությունների պահպանմամբ:
Վենետիկի իշխանություններն ավելի վաղ 40 մլն եվրոյով Prada-ին էին վաճառել Ca’ Corner della Regina պալացցոն:
