ԱՄՆ-ում ռադիոյով հեռարձակվող հայտնի թոք շոուի հաղորդավարներ Ջոն Կոլբիտն ու Կեն Չամպոուն պատժվել են. նրանց ժամանակավորապես արգելվել է եթեր դուրս գալ «անտակտության ու ոչ կոռեկտ պահվածքի համար», որ թույլ են տվել իրենց` արտահայտվելով փետրվարի 11-ին մահացած 48-ամյա երգչուհի Ուիթնի Հյուսթոնի մասին: Այս մասին նախօրիեն հայտարարել է KFI AM (640) ռադիոկայանի ղեկավարությունը:
Ինչպես նշվում է պաշտոնական հայտարարության մեջ, իրենք չեն խրախուսում ու չեն թույլատրում նման հայտարությունները:
Ռադիոհաղորդավարներն արդեն ընդունել են իրենց մեղքը, ներողություն են խնդրել ունկնդիրներից, երգչուհու հարազատներից ու մտերիմներից: Այս մասին հաղորդում է ITAR-TASS գործակալությունը:
«Մենք սխալ են թույլ տվել ու համաձայն ենք ռադիոկայանի որոշման հետ: Մենք օգտագործել ենք ոչ հարիր բառապաշար, անկեղծորեն ներողություն ենք խնդրում ունկնդիրներից ու Հյուսթնի ընտանիքից»,- համատեղ հայտարարության մեջ նշել է Ջ. Կոլբիտը:
Ելույթ ունենալով Հյուսթոնին հիշատակին նվիրված հաորդմանը՝ Կոլբիտն ու Չամպաոն, խոսելով թմրամիջոցներից երգչուհու կախվածության մասին, այն անվանել են «անհեթեթություն» ու «կոկաինիստիկա», ինչպես նաև անհարգալից են արտահայտվել երգչուհու մասին: Եվ այսպես, նրանք իրենց լսարանին տեղեկացրել են, թե վերջին 20 տարում երգչուհին «նստած է եղել կրեկի վրա և երեկույթին ունեցել է զզվելի տեսք, քրթմջացել է ինչպես հիմարը, վազել է»:
Լուրերի համաձայն` երգչուհուն թմրադեղերին ծանոթացրել է նրա նախկին ամուսինը` երգիչ Բոբի Բրաունը: 2000-ականների սկզբին Հյուսթոնի կախվածությունը վերածվեց լրջագույն խնդրի. առողջական վիճակի վատթարացման ու նյարդային լարվածության պատճառով հետաձգվում էին նրա համերգները, ալբոմների ձայնագրությունները:
Նա մի քանի անգամ բուժվել է վերականգնողական կլինիկաներում, սակայն այդպես էլ մինչև վերջ չի կարողացել հաղթահարել կախվածությունը:
Ու թեև ռադիոհաղորդավարների ասածն այնքան էլ հեռու չի եղել իրականությունից, այդ ամենն այնքան վիրավորական տոնով է ասվել, որ վրդովել է ունկնդիրներին:
Ինչպես հաղորդում է CBS Los Angeles-ը, դուետը եթեր կվերադառնա փետրվարի 27-ին:
Ուիթնի Հյուսթնի մարմինը հայտնաբերվել էր «Բևեռլի Հիլթոն» հյուրանոցի լոգարանում:
