Բելառուսի Բրեստ քաղաքում անհայտ բարերարը խանութում տեղադրված ուղղափառ եկեղեցու համար հանգանակության զամբյուղում թողել է մեկ կիլոգրամանոց ոսկու ձուլակտոր:
Ինչպես հաղորդում է RIA-Novosti-ն, ոսկու հետ նա թողել է դրա իսկությունը հաստատող փաստաթուղթ:
Խանութի անվտանգության աշխատակիցների խոսքերով՝ ոսկու ձուլակտորը թողել է միջին տարիքի մի տղամարդ: Տարբերակներից մեկի համաձայն՝ մինչ այդ նա փորձել է ոսկին տալ եկեղեցու պահակին, սակայն վերջինս չի վերցրել:
Մեկ կիլոգրամանոց ձուլակտորը համարժեք է 50 հազար դոլարի: Եկեղեցու ներկայացուցիչներից մեկի խոսքերով, այդ գումարը բավական է եկեղեցու հետնամասում նոր տաճար կառուցելու համար: