Ռուսաստանը հստակ նպատակադրվել է նպաստել Սիրիայում իրավիճակի շուտափույթ կայունացմանը՝ ժողովրդավարական բարեփոխումների միջոցով: Այս մասին հայտարարել է Ռուսաստանի ԱԳՆ-ը:
«Իր կողմից Ռուսաստանը, այդ թվում նաև այլ պետությունների հետ համագործակցելու միջոցով, մտադիր է հասնել Սիրիայում իրադրության շուտափույթ կայունացմանը՝ ժողովրդավարական բարեփոխումների միջոցով»,-ընգծել են նախարարությունում: Այս նպատակով Ռուսաստանի նախագահ Դմիտրի Մեդվեդևի հրամանով Ռուսաստանի արտաքին գործերի նախարար Սերգեյ Լավրովը և արտաքին հետախուզական ծառայության ղեկավար Միխայիլ Ֆրադկովը փետրվարի 7-ին այցելել են Դամասկոս, որտեղ կհանդիպեն Սիրիայի նախագահ Բաշար Ասադի հետ:
Ըստ «Իտար Տասս»–ի՝ ԱԳՆ-ից նշել են նաև, որ Մոսկվան խորապես ցավում է ՄԱԿ-ի Անվտանգության խորհրդում Սիրիայի գործով նման արդյունքի համար. «Ռուսաստանը և Չինաստանը ստիպված էին քվեարկել անհավասարակշռված նախագծի որոշման դեմ: Մենք խորապես ցավում ենք ՄԱԿ-ի Անվտանգության խորհրդում աշխատանքի նման արդյունքի համար, որը գործընկերների քաղաքական կամքի առկայության դեպքում կարող էր ավարտվելՍիրիայի հանդեպ միջազգային հանրության համաձայնեցված համախմբվածությամբ:
Փետրվարի 4-ին Ռուսաստանը և Չինաստանը արգելափակել էին ՄԱԿ-ի ԱԽ որոշումը Սիրիայի հանդեպ՝ օգտագործելով վետոյի իրավունքը: