Գերմանական Մյունխեն քաղաքում մեկնարկել է անվտանգության խնդիրներին նվիրված ամենամյա համաժողովը, որի մասնակիցներն անդրադարձել են Սիրիայում ստեղծված իրավիճակին:
Ինչպես հաղորդում է «Ազատություն» ռադիոկայանը, Սիրիայում տիրող իրավիճակի առնչությամբ Ռուսաստանի արտաքին գործերի նախարար Սերգեյ Լավրովն ասել է. «Ներքին հակամարտությունների մասնակից մի կողմին աջակցություն ցուցաբերելը, դրսից այս կամ այն պետության կառուցվածքը պարտադրելը կամ բարեփոխումների տեմպը կանխորոշելը իրականում շատ վտանգավոր ճանապարհ է, որը ի վերջո հանգեցնում է միջազգային հարաբերություններում քաոսային իրավիճակի ստեղծման»:
Մյունխենում է նաև Միացյալ Նահանգների պետքարտուղար Հիլարի Քլինթոնը, որը քննարկել է Սիրիայում ստեղծված իրավիճակը իր ռուսաստանցի պաշտոնակցի հետ: