Առնոլդ Շվարցենեգերի Թաջ Մահալ այցելելու երազանքները հօդս են ցնդել:
Associated Press-ը հաղորդում է, որ Կալիֆոռնիայի նախկին նահանգապետն այսօր այցելել է Հնդկաստանի Ագրա քաղաք, բայց չի կարողացել ամբողջությամբ վայելել Թաջ Մահալը, քանի որ շաբաթվա մեջ այն մեկ օր փակ է լինում զբոսաշրջիկների համար` մոտակա մզկիթում տեղի ունեցող մուսուլմանական աղոթքների պատճառով:
Հաղորդվում է, որ դերասանը հիասթափված եղել, որ ստիպված է եղել Թաջ Մահալը տեսնել մոտակա փողոցից:
Շվարցենեգերը Հնդկաստանում է բնապահպանական համաժողովի մասնակցելու համար: Նա լրագրողներին ասել է, որ դեմ չէր լինի խաղալ Բոլիվուդում, եթե լավ ռեժիսորն իրեն հետաքրքիր սցենարով ֆիլմ առաջարկեր:
