Նույն գետը երկու անգամ չեն մտնում: Այսօր կայացած մամուլի ասուլիսի ժամանակ այս մասին հայտարարեց «Ազատ դեմոկրատներ» կուսակցության անդամ Ալեքսանդր Արզումանյանը` պատասխանելով այն հարցին, թե հնարավո՞ր է, որ իրենց կուսակցությունը ՀԱԿ-ի հետ դաշինքի գնա:
«Ես ասել եմ և ասում եմ, որ ՀՀՇ-ն նահանջ է ապրել ազատական գաղափարներից և գործում է ՀԱԿ-ի համար: Միաժամանակ չեմ բացառում, որ ՀԱԿ-ի հետ համագործակցենք ընտրակեղծիքները բացառելու մասով»:
Անդրադառնալով «Ազատ դեմոկրատներ» կուսակցության համամասնական ցուցակում հայտնվելու հնարավորություն ունեցող մարդկանց թվին՝ Ալեքսանդր Արզումանյանը նշեց, որ ճիշտ կլինի, եթե ցուցակում ներգրավված լինեն քաղաքական կշիռ ունեցող, հանրությանը ծանոթ անձինք:
