Թուրքական Ihlas լրատվական գործակալության փոխանցմամբ՝ Թուրքիայի Քասթամոնու նահանգում թուրք արդյունաբերողները որոշել են բոյկոտել ֆրանսիական ապրանքները՝ կապված Ֆրանսիայի Սենատի կողմից Հայոց ցեղասպանության հերքումը քրեականացնող օրինագծի ընդունման հետ: Խոսքը ֆրանսիական անվադողերի մասին է:
Թուրք արդյունաբերողները ցուցադրաբար իրենց ավտոմեքենաների վրայից հանել են ֆրանսիական անվադողերը և այրել: Նրանք խոստացել են այսուհետ բոյկոտել նաև ֆրանսիական ավտոմեքենաները, ֆրանսիական վառելիքը և այլ ապրանքներ:
Նրանք հայտարարել են, որ եկել է ֆրանսիական ապրանքները բոյկոտելու ժամանակը: