«Աժ պատգամավոր Հարություն Ղարագյոզյանը՝ Կարամելի Հարութը, վերջին շրջանում անընդհատ սկանդալների մեջ է հայտնվում: Նախ նրա ընկերոջը՝ Մարգար Օհանյանին կալանավորեցին, ապա դատական կարգադրիչներն արգելեցին Ղարագյոզյանին մտնել դատարանի դահլիճ՝ ընկերոջ դատական նիստին հետևելու: Երեկ էլ որդին է ավտոմեքենայով վթարի ենթարկվել»,- գրում է «Ժողովուրդ»-ը և հավելում.
«ժամը 21:00-ի սահմաններում Տերյան փողոցում 26-ամյա Միքայել Ղարագյոգյանը, վարելով հոր պատգամավորական 097 ՕՕ 11 համարանիշի «Հունդայի Սոնատա»-ն, բախվել է «Ֆոլքսվագեն Տուարեգ» մակնիշի 55 OP 551 համարանիշի ավտոմեքենային: Բարեբախտաբար, զոհեր և վիրավորներ չկան: Իհարկե, ամեն մարդ էլ կարող է փորձանքների մեջ ընկնել, բայց տվյալ դեպքում ուշագրավն այն է, որ պատգամավորական համաիանիշերով ավտոմեքենան վարել է ոչ թե պատգամավորը՝ ընտրողների հետ հանդիպման գնալու նպատակով, այլ որդին՝ անհայտ է, թե ուր գնալու համար:
Ինչպես ասում են, մեր երկրում «ձուկը գլխից է հոտած»: Հիշեցնենք, որ Ղարագյոզյանը նախկինում հանրապետական էր, իսկ այժմ արդեն «Բարգավաճ Հայաստան» կուսակցության անդամ»:
