Եմենի մայրաքաղաք Սանայում այսօր մահափորձ է կատարվել Եմենի տեղեկատվության նախարար Ալի Ալ-Ամրանիի դեմ: Այս մասին հաղորդում է Reuters գործակալությունը՝ վկայակոչելով նախարարի օգնական Աբդել Բասեթ Ալ-Քաեդիին:
Վերջինիս խոսքերով, անհայտ հանցագործները հարձակում են գործել նախարարի մեքենայի վրա, երբ վերջինս խորհրդակցությունից էր վերադառնում: Նախարարը չի վնասվել:
Հանցագործներին հաջողվել է թաքնվել:
Եմենում հակակառավարական ցույցերը սկսվել են 2011 թ. փետրվարից: 2011 թ. նոյեմբերի վերջին Սալեհը համաձայնեց հրաժարական տալ՝ փոխարենը պահանջելով իրեն անձեռնմխելիություն շնորհել: