Սիրիայում ընդդիմության ուժերի և իրավապահ մարմինների միջև տեղի ունեցած բախումներում մեկ օրվա ընթացքում զոհվել է շուրջ 100 մարդ: Այս մասին հաղորդում է France-Presse գործակալությունը՝ վկայակոչելով Լոնդոնում տեղակայված «Մարդու իրավունքների պաշտպանության մոնիտորինգի սիրիական կենտրոն» իրավապաշտպանական կազմակերպությանը:
Իրավապաշտպանների խոսքերով՝ զոհերից առնվազն 55-ը խաղաղ բնակիչներ են:
Մասնավորապես նշվում է, որ 40 մարդ զոհվել է Հոմսում և նրան հարող շրջաններում, 9 մարդ՝ Դարաայում, ևս 5-ը՝ Դամասկոսի արվարձաններում, մեկ մարդ՝ Իդլիբում:
Զոհերի թվում կա 25 զինծառայող, 10 դասալիք և իրավապահ մարմինների 6 աշխատակից:
Սիրիայում 2011 թ. մարտից սկսված բախումների ընթացքում, ՄԱԿ-ի վերջին զեկույցի համաձայն, զոհվել է 5000 մարդ:
