ՀՀ մշակույթի փոխնախարար Արթուր Պողոսյանը ֆիզիկապես մասնակցություն չի ունեցել Արցախյան պատերազմին, իր իսկ խոսքերով, դա տեղի է ունեցել՝ հանգամանքների բերումով: Այս մասին նա պատմեց «Առաջին լրատվական»-ի հետ զրույցում:
«Ճակատագրի բերումով Կիևում ուսանում էի: Այն տարիներին, հիշում եմ, բնակվում էի Էրեբունու հոսպիտալի մոտ, օգնում էինք հիվանդներին, սոցիալական փոքր խնդիրներ էինք փորձում լուծել: Տպավորվել է նաև այն, որ Գորիսում իմ ծնողներն ու պապը նկուղում էին բնակվում, բայց երբեք չփորձեցին տեղափոխվել Երևան: Շատ եմ ափսոսում, որ իսկապես ֆիզիկապես չեմ մասնակցել հերոսամարտին, և սրանք վերամբարձ խոսքեր չեն»,- ասաց Ա. Պետրոսյանը:
«Մաղթանքներն այնքան շատ են, որ նույնիսկ դժվար է արտահայտել այդ ամեն ինչը: Բանակում արտացոլված է մեր անկախ հայրենիքի անցած ճանապարհն ամբողջությամբ: Մենք պետք է պահենք, փայփայենք բանակը»,- Բանակի տոնի կապակցությամբ ասաց Արթուր Պողոսյանը:
Ըստ փթոխնախարարի, ՀՀ անկախության 20 տարիների ամենամեծ ձեռքբերումը եղել է մեր անկախությունը և երկրորդը՝ որպես դրա հասնելու գործիք` մեր բանակը: «Այս տեսակետով պետք է բոլոր խդիրներին անդրադառնանք ու հասարակության մեջ այս գաղափարները սերմանենք, որ մարդիկ հասկանան՝ ինչ ենք կարողացել ստեղծել այս տարիների ընթացքոմ: Իսկ ամենամեծ մաղթանքը՝ լինել անգործ, որ երբեք չգա այնպիսի պահ, որ բանակն իր կարողությունները ցուցադրի: Եթե, Աստված մի արասցե, նման պահ լինի, էլի անելու ենք լավագույն ձևով և հասնելու ենք մեր նպատակին»,- ասաց փոխնախարարը:
