Ինչպես ենթադրվում էր, իշխանությունները հրապարակել են Դեմի Մուրի տանից 911-ին արված զանգի ձայնագրությունը։ Զանգն արվել էր մինչ նրա հոսպիտալացումը, որը տեղի էր ունեցել երեքշաբթի օրը: EW.com-ը հայտնում է, որ 10 րոպե տևողությամբ ձայնագրության մեջ մի կին բացահայտում է, թե ինչն է պատճառ հանդիսացել դերասանուհու հոսպիտալացման համար: Ձայնագրության համաձայն՝ Մուրը սկսել է ցնցումներ ունենալ այն բանից հետո, երբ «ինչ-որ բան է ծխել», որը նման է եղել խունկի:
The Los Angeles Times-ը երեքշաբթի օրը հաղորդել էր, որ քաղաքային ոստիկանությունն առաջարկել էր կրճատել ձայնագրությունը՝ մինչ դրա հարապարակումը: Նրա առողջական վիճակի կամ դեղամիջոցների մասին հրապարակված ցանկացած տեղեկություն կարող էր խախտել դաշնային գաղտնիության օրենքը:
Ինչպես արդեն հաղորդել էինք, Դեմի Մուրի PR գործակալն ասել էր, որ սրթեսի պատճառով դերասանուհին որոշել է դիմել արհեստավարժ մասնագետների, որոնք կօգնեն իրեն հաղթահարել օրգանիզմի հյուծվածությունը, և որ դերասանուհին շնորհակալ է ընտանքին և ընկերներին աջակցության համար: