Ադրբեջանական APA լրատվական գործակալության փոխանցմամբ՝ Ադրբեջանում կառուցվելու է ավելի քան 1 կիլոմետր բարձրություն ունեցող շենք։ Նախագիծն իրականացնում է Avesta կոնցեռնը։
Շենքը կառուցվելու է Կասպիցի Khazar կղզում։ «Ադրբեջանի աշտարակի» (Azerbaijan Tower) բարձրությունը կազմելու է 1050 մետր։ Փաստորեն այն կլինի աշխարհի ամենաբարձր աշտարակը։
«Ադրբեջանի աշտարակն» ունենալու է 185 հարկ և 200 մետրով գերազանցելու է Դուբայում կառուցված Burj Khalifa աշտարակին, որը ներկայիս դրությամբ աշխարհի ամենաբարձր շինությունն է։ Բացի այդ, ադրբեջանական աշտարակը 50 մետրով կգերազանցի Kingdom Tower-ին, որը պլանավորված է կառուցել Ջիդդայում (Սաուդյան Արաբիա)։
«Ադրբեջանի աշտարակը» շահագործման կհանձնվի 2018-2019 թվականներին։ Այն կառուցելու նպատակով Avesta-ն խորհրդակցություններ է անցկացնում Burj Khalifa-ն կառուցած ընկերությունների հետ։