Եգիպտոսի «Մուսուլման եղբայրներ» իսլամական շարժումը հանդես է եկել արմատական երիտասարդական կուսակցությունների կոչի դեմ: Նրանք առաջարկում են երկրում սկսել «հեղափոխության երկրորդ ալիք», որի նպատակն է իշխանությունից հեռացնել Եգիպտոսի զինված ուժերի Բարձրագույն խորհրդին: Ինչպես հաղորդում է РИА Новости-ն, վկայակոչելով տեղի ԶԼՄ-ները, այս մասին հայտնել է «Մուսուլման եղբայրների» գերագույն առաջնորդ Մուահմեդ Բադիան:
«Մենք հրաժարվում ենք ի դեմս Բարձրագույն խորհրդի մեզ համար նոր թշնամի ստեղծել նոր եգիպտական հեղափոխությունում»,- հայտարարել է Բադիան:
Նրա կարծիքով՝ «Բարձրագույն խորհուրդը կազմված է սովորական մարդկանցից, որոնց նույնպես բնորոշ է սխալվելը, սակայն ոչ մեկը չպետք է հեռանա պատասխանատվությունից»: Նա ավելացրել է, որ եթե Խորհրդի անդամներից մեկը հանցագործություն է գործել ազգի դեմ, նա դրանց համար պատասխան է տալու դատարանում:
Բադիան հերքել է այն տեղեկությունը, իբր պայմանավորվածություն կա զինվորականների և «Եղբայրների» միջև` Եգիպտոսի զինված ուժերի Բարձրագույն խորհրդի անդամներին դատական հետապնդումներից անձեռնմխելիության երաշխիքներ տալու շուրջ:
Հիշեցնենք, որ Եգիպտոսի Ստորին պալատի ընտրությունների ժամանակ «Մուսուլման եղբայրների» քաղաքական թևը` «Ազատության և արդարության» կուսակցությունը հավաքել է ավելի քան 70 տոկոս ձայն: