Մարտի 1-ին սպանված Դավիթ Պետրոսյանի մոր` Ջեմմա Վարդումյանի կարծիքով, Հայաստանի իշխանությունները ոչինչ չեն արել մարտի 1-ի կազմակերպիչներին բացահայտելու համար, իրենք որեւէ սպասելիք չունեն դատական համակարգից:
«Սա առաջին հանդիպումը չէր, որ մենք ունեցել ենք Եվրոպայից Հայաստան եկած պաշտոնյաների հետ: Մենք համոզված չենք` մեր հարցերը ԵԽԽՎ-ում բարձրացնելուց հետո մեր շահերը կպաշտպանվե՞ն, թե՞ ոչ: Իշխանությունները մարտի 1-ի գործը սառեցրել են, ասում են` նախաքննություն է ընթանում, իսկ տարիներն անցնում են, խոստումներ են տալիս, բայց ոչինչ չի բացահայտվում», – ասաց Ջեմմա Վարդումյանը: Նա նշեց, որ ինքը կորցրել է հավատը նաեւ եվրոպացի պաշտոնյաների նկատմամբ, որոնք գալիս են, ժպտում, խոստումներ տալիս եւ գնում:
«Թող նրանք չհամագործակցեն մեր իշխանությունների հետ, որպեսզի գործը չկոծկվի», – հորդորում է Ջեմմա Վարդումյանը: