Այն բանից հետո, երբ Բարաք Օբաման 2008 թվականի նոյեմբերին դարձավ ԱՄՆ-ի առաջին սևամորթ նախագահը, Միշել Օբաման, ըստ ընկերների հաղորդման, այնքան էլ ուրախ չէր, որ իրենք պետք է տեղափոխվեն Սպիտակ տուն: Նա անգամ մտածում էր առաջին 6 ամիսների ընթացքում ապրել իր դուստրերի հետ Չիկագոյում և Սպիտակ տուն այցելել միայն հատուկ արարողությունների ժամանակ: Daily Mail-ը գրում է, որ դա մեծ հարված էր նախագահի համար, ով ցանկանում էր մնալ իր ընտանիքի հետ:
Հենց այս ամենի պատճառով էլ այն մարդիկ, ովքեր ավելի մոտ են ընտանքին, կարծում են, որ Կանտորի The Obamas գրքում նկարագրված կոնֆլիկտն ունի իր պարզ պատճառները: Գրքի հրապարակումից հետո Միշել Օբաման CBS-ին տված հարցազրույցի ժամանակ ասել էր, որ այդ գիրքը միայն նպատակ ունի իրեն որպես «բարկացած սևամորթ մի կին» ներկայացնել:
Daily Mail-ի հաղորդմամբ՝ առաջին տիկինը միշտ առաջ է քաշել մաշկի գույնի խնդիրը` կարծես թե կոնֆլիկտներ ստեղծելու կամ իրեն ուղղված քննադատությունը նվազեցնելու նպատակով:
Տարբեր աղբյուրներ հաղորդում են, որ Միշելը երբեք չի էլ ցանկացել, որ ամուսինը դառնա Սենատի անդամ: Իրավաբան լինելով` նրան դուր չի եկել քաղաքական գործչի կնոջ դերը, ով անընդհատ ստիպված է ժպտալ ու լռել:
