ИТАР-ТАСС-ի փոխանցմամբ` ԱՄՆ պետքարտուղար Հիլարի Քլինթոնը երեկ հայտարարել է, որ Վաշինգտոնը քննադատում է իրանական կառավարության այն որոշումը, որն առնչվում է Fordow-ում ուրանի՝ մինչև 20 տոկոս հարստացման աշխատանքների սկսմանը.
«Իրանի այդ քայլը ևս մեկ անգամ վկայում է նրա կողմից ստանձնած պարտավորությունների կատարման թերացման մասին։ Դա ապացուցում է, որ Իրանի առավել մեկուսացման պատճառը հենց նա է։ Նոր գործարանի կառուցումը երեք տարի գաղտնի է պահվել, և հարստացված ուրանի արտադրության մեծացումն անհնար է արդարացնել որևէ բանով։
Ուրանի հարստացումը հանդիսանում է հերթական քայլը, որն Իրանին մոտեցնում է բարձր հարստացված ուրանի արտադրությանը, ինչն անհրաժեշտ է միջուկային զենքի պատրաստման համար։ Իրանական իշխանություննները ստում են, երբ հայտարարում են, թե դա իրենց անհրաժեշտ է բժշկական իզոտոպների արտադրության համար։
Մենք Իրանին կոչ ենք անում անհապաղ դադարեցնել ուրանի հարստացումը և սկսել հետևել միջազգային պարտավորություններին։ Մենք Իրանին նաև կոչ ենք անում վերադառնալ «5+1» ձևաչափով բանակցություններին»։
Հիշեցնենք, որ հունվարի 9-ին ԱԷՄԳ-ը պաշտոնապես հայտարարեց, որ Իրանը Fordow ստորգետնյա գործարանում ձեռնամուխ է եղել ուրանի՝ մինչև 20 տոկոս հարստացման աշխատանքների սկսմանը։
