Պաղեստինի նախագահն ասում է, որ Հորդանանում Պաղեստինի և Իսրայելի բանակցությունները «կարևոր հնարավորություն են»՝ խաղաղության բանակցություններն ամբողջապես վերսկսելու համար:
Մահմուդ Աբասն ասել է, որ «հաջողության հույսերը քիչ են», բայց անգամ այդպես «մենք պետք է բաց չթողնենք հնարավորությունը»: Նման հայտարարությամբ Աբասը հանդես է եկել Հորդանանի թագավոր Աբդուլլահ Երկրորդի հետ այսօր կայացած հանդիպումից հետո:
Հիշեցնենք, որ բանակցությունները Հորդանանի մայրաքաղաք Ամանում սկսվել են անցած շաբաթ: Associated press-ը հաղորդում է, որ սրանք ավելի քան մեկ տարվա ընթացքում առաջին այսպիսի բանակցություններն են:
Աբասը ներկայացրել է թագավորին, ով պատրաստվում է հունվարի 14-ին Սպիտակ տանը հանդիպել ԱՄՆ նախագահ Բարաք Օբամայի հետ:
Աբդուլլահն ասել է, որ հանդիպման ընթացքում հիմնականում կքննարվկի Մերձավոր Արևելքի կարևոր բանակցությունները վերսկսելու հարցը:
