Audi էլիտար մեքենաների գերմանացի արտադրողը 2011 թվականին վաճառքն ավելացրել է 19 տոկոսով` մինչև 1.3 միլիոն ավտոմեքենա, որը նրան դարձրել է աշխարհում մեծությամբ երկրորդը՝ լյուքս մեքենանաներ արտադրող BMW ընկերությունից հետո:
Պատմության մեջ առաջին անգամ ամենամեծ շուկան զբաղեցրել է Չինաստանը, որտեղ Audi-ի վաճառքն աճել է 37.7 տոկոսով. ընկերությանը հաջողվել է վաճառել 313 հազար մեքենա: Եվրոպայում վաճառքը մեկ տարվա ընթացքում աճել է 12.1 տոկոսով և կազմել է 726 հազար մեքենա: Ընկերութունը հատկապես նշում է ավոտմեքենաների պահանջարկի աճը Ռուսաստանում:
Ինչպես նշում է The Wall Street Journal-ը, վաճառքի աճը Audi-ին թույլ տվեց առաջ անցնել Mercedes-ից և աշխարհում թանկարժեք մեքենաների վաճառքի բնագավառում զբաղեցնել երկրորդ հորիզոնականը: 2011 թվականին Mercedes-ի վաճառքը աճել է 8 տոկոսով և կազմել է 1.26 միլիոն ավտոմեքենա:
Շուկայի առաջատարը դեռ մնում է BMW-ն: 2011 թվականին ավտոարտադրողը վաճառելէ 1.67 միլիոն ավտոմեքենա, որը անցած տարվա ցուցանիշից ավելի է 14 տոկոսով:
