Apple ընկերությունը հունվարի 9-ին թարմացրել է 2011 թվականի iPhone սմարթֆոնների համար ամենաշատ ներբեռնված հավելվածների ցուցակը:
Ինչպես հայտնում է Reuters գործակալությունը, ամենահայտնի հավելավածը Facebook սոցցանցի բջջային տարբերակն էր: Երաժշտությունը դասակարգում ամենաշատ պահանջարկ է ունեցել Pandora օնլայն-ռադիոն, որը երգերի ցանկը ձևավորում է օգտատերի ճաշակի հիման վրա, իսկ խաղերի սիրահարները առավել շատ ներբեռնել են Words with Friends և Angry Birds-ը:
Ընկերության հայտարարության մեջ ասվում է, որ 2011 թվականը ընդհանուր առմամբ հաջողակ էր նաև հավելվածների համար, որոնք նախատեսված են լուսանկարների և տեսանյութերի համար: Լուսանկար դասակարգում ամենահայտնին Instagram հավելվածն էր, որը թույլ է տալիս նկարել և նկարը փոխել տարբեր ֆիլտրերի օգնությամբ, ինչպես նաև այդ նկարները հարապարակել համացանցում: Camera Plus հավելվածը առաջատարն է տեսանյութ դասակարգում:
Calorie Counter & Diet Tracker և Nike+ GPS հավեալվածները մեծ պահանջարկ ունեին առողջ ապրելակերպ քարոզող հավելվածների շրջանում:
Այս կամ այն հավելվածների ներբեռնումների թիվը չի հրապարակվում: