Ճամայկայի վարչապետ Լուկրեցիա Սիմփսոն-Միլլերը պատրաստվում է ազատվել Բրիտանական թագավորական տան իշխանությունից և կղզին հայտարարել լիարժեք անկախ հանրապետություն: Ինչպես հաղորդում է BBC-ն, այսպիսի հայտարարությամբ նորընտիր վարչապետը հանդես է եկել իր երդման արարողության ժամանակ:
«Ես սիրում եմ թագուհուն, նա հիանալի կին է, բացի այդ, նա խելացի է և յուրովի լավը: Բայց ես կարծում եմ, որ ժամանակը եկել է: Մենք պատրաստվում ենք տոնել մեր անկախությունը Մեծ Բրիտանիայից»,- հայտարարել է Սիմփսոն-Միլլերը:
Բուկինգհեմյան պալատում վարչապետի դեմարշն արդեն գնահատական է ստացել: «Ճամայկայի ղեկավարի կարգավիճակի ինքնորոշման հարցը ամբողջությամբ այդ պետության կառավարության և ժողովրդի խղճի վրա է»,- հայտարարել է թագավորական տան պաշտոնական ներկայացուցիչը:
Այս պահին Ճամայկան դե յուրե մտնում է Մեծ Բրիտանիայի կազմի մեջ և նրա գերագույն ղեկավարը միապետն է: 1962թ. կղզին անկախություն է ձեռք բերել և այս պահին ունի իր օրենսդիր մարմինը, կառավարությունը, սեփական բանակը, հանդիսանում է ՄԱԿ-ի անդամ և դե ֆակտո առանձին պետություն է խորհրդարանական կառավարմամբ:
Հարկ է նշել, որ Սիմփսոն-Միլլերը Ճամայկայի առաջին վարչապետը չէ, ով նմանատիպ առաջարկ է անում: